Սոֆյա Բրդոտյանի մասնագիտական ուղին սկսվել է հայրենի Երևանում՝ ամուր ակադեմիական հենքով: Նա ավարտել է Հայաստանի ազգային ագրարային համալսարանը՝ ստանալով «Հացի, հրուշակեղենի և մակարոնեղենի արտադրության տեխնոլոգիա» մասնագիտացումը:

Սոֆյան իր կարիերան սկսել է Երևանի հայտնի Tizziano էլիտար հրուշակարան-սրճարանում, որտեղ պատասխանատու էր եվրոպական հրուշակեղենի տեսականու համար: Կատարելագործվելու մեծ ձգտումը 2015 թվականին նրան տարավ Իսպանիա. Սոֆյան մասնակցեց Բարսելոնայի հրուշակագործության միջազգային դպրոցի (International Pastry School of Barcelona) բազային դասընթացներին՝ աշխարհահռչակ Մարիա Սելյանինայի գլխավորությամբ: Տեսնելով Սոֆյայի աշխատասիրությունն ու տաղանդը՝ նրան առաջարկեցին եռամսյա պրակտիկա անցնել Մարիա Սելյանինայի թիմի հետ:

Մասնագիտական աճն այսքանով չսահմանափակվեց: Տարիների ընթացքում Սոֆյան շարունակաբար վերապատրաստվել է ոլորտի լավագույն վարպետների մոտ.

• 2019թ. մայիս: Մասնակցություն Իգոր Մելնիկովի՝ մուսային տորթերի և շոկոլադագործության հատուկ դասընթացներին:

• 2019թ.։ Դիզայներական և ձևավորման հմտությունների կատարելագործում Մոսկվայի հայտնի Tortiki Annushka ստուդիայում:

• Միջազգային մաստեր-կլասներ: Էկլերների և շու հրուշակների պատրաստման նրբությունների յուրացում Ժոակիմ Պրատի (Joakim Prat) մոտ, ինչպես նաև ժամանակակից աղանդերի պատրաստման դասընթացներ Քարիմ Բուրժիի (Karim Bourgi) գլխավորությամբ Դուբայում:

Հարուստ միջազգային փորձով և նոր գաղափարներով ներշնչված՝ Սոֆյան վերադարձավ Հայաստան՝ հարազատների հետ միասին ստեղծելու ընտանեկան բիզնես: 2017 թվականից ի վեր Սարյան 24 հասցեում գործող SoHo Patisserie and Chocolaterie-ն դարձել է Սոֆյայի և իր ընտանիքի նվիրումի ու անդադար աշխատանքի արդյունքը:

Այսօր SoHo-ն հաճախորդներին է առաջարկում ավելի քան 170 տեսակի նրբահամ հրուշակեղեն: Այն, ինչ սկսվել էր որպես աշխատանք, Սոֆյայի համար վաղուց դարձել է կյանքի գլխավոր գործն ու մեծագույն սերը: